8 ივნისის საღამოს, საქართველოში კორონავირუსის ორი ახალი შემთხვევა დადასტურდა. ორივე ინფიცირებული მარნეულის მუნიციპალიტეტის სოფელ ქირაჩ-მუღანლოდანაა. ამ დროისთვის მათი კონტაქტების კვლევა მიმდინარეობს.
სულ ქვეყანაში ოფიციალურად ინფიცირებულთა რაოდენობა 812 გახდა. აქედან 683 გამოჯანმრთელდა, 13 კი ადამიანი გარდაიცვალა.
ამ დროისათვის საქართველოში 116 აქტიური შემთხვევაა.
