თბილისში, ნაძალადევის რაიონში, ვახტანგ მახალდიანის ქუჩაზე მდებარე ორსართულიან საცხოვრებელ სახლს ხანძარი გაუჩნდა.
საგანგებო სიტუაციების მართვის სამსახურის ცნობით, ხანძარი ამ დროისთვის ლოკალიზებულია. დაშავებული არავინაა.
ხანძარს 70-მდე მეხანძრე-მაშველი აქრობს, 15 სახანძრო მანქანის მეშვეობით.
ცეცხლი მჭიდრო დასახლებაში გაჩნდა. მიმდებარე საცხოვრებელი სახლებიდან ხალხი ევაკუირებულია.
ხანძრის გაჩენის მიზეზი ჯერ ცნობილი არ არის. ადგილობრივები მედიასთან ამბობენ, რომ ცეცხლი ელექტროსადენებს გაუჩნდა.
