საგანგებო სიტუაციების მართვის სამსახურის ინფორმაციით, აბასთუმნის ტყეში გაჩენილი ხანძარი ლოკალიზებულია.
ხანძარი წიწვოვან ტყეში გაჩნდა. უწყების ინფორმაციით, ხანძრის ქრობაში 65 მეხანძრე-მაშველი და შინაგან საქმეთა სამინისტროს სასაზღვრო პოლიციის 2 ვერტმფრენია ჩართული.
საგანგებო სიტუაციების მართვის სამსახურის ინფორმაციით, ცეცხლის გავრცელების საფრთხე ამ დროისათვის არ არის, მიმდინარეობს სალიკვიდაციო სამუშაოები.
