ეკონომიკა

მაისში ექსპორტი 30,6%-ით შემცირდა და 234 მილიონი დოლარი შეადგინა

0 კომენტარი
ფოტო: brianchristner.io

საქსტატმა მაისის საგარეო ვაჭრობის შესახებ წინასწარი მონაცემები გამოაქვეყნა. უწყების მონაცემებით, წინა წლის ანალოგიურ პერიოდთან შედარებით, მაისში ექსპორტი 30,6%-ით შემცირდა 234,1 მილიონი დოლარი შეადგინა. 

გასულ თვეში 34,3%-ით შემცირდა იმპორტის მოცულობაც და ჯამურად 497,3 მილიონი დოლარი შეადგინა. რაც შეეხება მიმდინარე წელს, პირველ 5 თვეში საგარეო ვაჭრობის მთლიანმა მოცულობამ 4,2 მილიარდი დოლარი შეადგინა, რაც წინა წლის მაჩვენებელზე 16,8%-ით ნაკლებია. 

იანვარ-მაისში საქართველოს ექსპორტი ჯამურად 16,2%-ით შემცირდა და  1,2 მილიარდი დოლარი შეადგინა, ხოლო იმპორტის მოცულობა 17%-ით შემცირდა და 2,9 მილიარდი დოლარი შეადგინა. 

ექსპორტში მნიშვნელოვანი კლების მიუხედავად, აპრილთან შედარებით ექსპორტის მოცულობა, დაახლოებით, 4%-ით გაიზარდა. თუკი აპრილის მაჩვენებელს არ მივიღებთ მხედველობაში, მაისში განხორციელებული ექსპორტი ბოლო ორი წლის მინიმალურ დონემდე შემცირდა. მაისის თვის მაჩვენებელზე ცოტა ექსპორტი საქართველოდან ბოლოს 2018 წლის თებერვალში განხორციელდა.

ახალი ვიდეო მეტი ვიდეო

ბანკისა და აფთიაქის დაყაჩაღებისთვის წარსულში ნასამართლევი პირი დააკავეს

კომენტარები