მთავრობამ ის დაწესებულებები განსაზღვრა, სადაც პირბადის გარეშე ყოფნის გამო ფიზიკური პირი 20 ლარით დაჯარიმდება, ხოლო იურიდიული პირი, რომელიც ადამიანს ნიღბის გარეშე შეუშვებს – 500 ლარით. ამის შესახებ მთავრობის ადმინისტრაციაში გამართულ ბრიფინგზე გახდა ცნობილი. მთავრობამ ასევე განსაზღვრა, ვის არ შეეხება შეზღუდვა.
თუ პირბადე არ გეკეთებათ, დაჯარიმდებით:
- საჯარო და კერძო დაწესებულებების მისაღებში
- საჯარო და კერძო დაწესებულებებში გამართულ შეხვედრებზე, სადაც შეუძლებელია დისტანციის დაცვა, მაგალითად, უწყებათაშორისი საბჭოს სხდომაზე თუ შეუძლებელი იქნება დისტანცია, დამსწრეებმა უნდა გაიკეთონ პირბადე
- საერთო სარგებლობის ლიფტებში
- სილამაზის სალონებსა და ესთეტიკურ ცენტრებში
- სავაჭრო ობიექტებში
- ზოგადსაგანმანათლებლო, პროფესიულ და უმაღლეს დაწესებულებებში
- საზოგადოებრივ ტრანსპორტში
შეზღუდვა არ შეეხება
- 6 წლამდე ასაკის ბავშვებს;
- ადამიანებს, რომლებსაც აქვთ სასუნთქი ორგანოების პრობლემები, ფილტვის დაავადებები, ბრონქული ასთმა;
- შშმ პირებს;
- "გარკვეული კატეგორიის პირები", რომლებსაც ჯანმრთელობის მდგომარეობიდან გამომდინარე, არ შეუძლიათ პირბადის ტარება.
- სპეციალიზებულ დაწესებულებაში მომსახურე პერსონალისთვის, შესაბამისი სამიზნე ჯგუფისთვის კონკრეტული სოციალური სერვისის მიწოდებისას – მაგალითად, ლოგოპედის მომსახურება;
- შეხვედრებზე თავშეყრისას მომხსენებელს შეუძლია, არ გაიკეთოს პირბადე პრეზენტაციისას, თუ იცავს ორმეტრიან დისტანციას;
პარლამენტმა 12 ივნისს დაამტკიცა კანონპროექტი, რომელიც დახურულ თავშეყრის ადგილებში პირბადის გარეშე გადაადგილებისათვის ჯარიმას ითვალისწინებს.