საავტომობილო გზების დეპარტამენტის ინფორმაციით, 16 ივნისს 06:00 სთ-დან 12:00 სთ-მდე რიკოთის საავტომობილო გვირაბში მოძრაობა იკრძალება.
უწყების ინფორმაციით, აღნიშნულ პერიოდში საავტომობილო გზის სავალი ნაწილის დაზიანებული ადგილების ასფალტ-ბეტონით შევსების სამუშაოები ჩატარდება.
მათივე თქმით, დროის აღნიშნულ პერიოდში სატრანსპორტო ნაკადის მოძრაობა რიკოთის გვირაბის შემოსავლელ საავტომობილო გზაზე იქნება შესაძლებელი.
