იურიდიულმა კომიტეტმა საკონსტიტუციო ცვლილებების პროექტს მხარი დაუჭირა.
პროექტი ირაკლი კობახიძემ წარმოადგინა.
ცვლილებები საარჩევნო სისტემის შეცვლას და 2020 წლის საპარლამენტო არჩევნებზე პროპორციული და მაჟორიტარული მანდატების 120/30 პროპორციით გადანაწილებას გულისხმობს.
სხდომას და კენჭისყრას არ დასწრებიან ევროპული საქართველოს და ნაციონალური მოძრაობის დეპუტატები - ისინი ბოიკოტს აგრძელებენ მანამ, სანამ 8 მარტის შეთანხმება სრულად არ შესრულდება და გიორგი რურუა არ გათავისუფლდება.
კონსტიტუციური კანონპროექტის განხილვა პირველი მოსმენით რიგგარეშე პლენარულ სხდომაზე, 21 ივნისს არის დაგეგმილი.