ბათუმის პორტში აშშ-ს საზღვაო ხომალდი პორტერი შევიდა.
ინფორმაციას ავრცელებს აშშ-ს საელჩო საქართველოში. განცხადების მიხედვით, ხომალდის შემოსვლის მიზანი საზღვაო უსაფრთხოების ოპერაციებისა და რეგიონული საზღვაო სტაბილურობის გაძლიერებაა.
"სიხარულით მივესალმებით აშშ-ს საზღვაო ხომალდ პორტერს შავ ზღვასა და ბათუმის ულამაზეს პორტში, სადაც უკვე მესამედ შემოდის.
ვიზიტის მიზანი საზღვაო უსაფრთხოების ოპერაციებისა და რეგიონული საზღვაო სტაბილურობის გასაძლიერებლად ჩვენს ნატოს წევრ და მოკავშირე ქვეყნებთან ერთად ერთობლივი მზაობისა და საზღვაო შესაძლებლობების განვითარებაა". –წერია საელჩოს მიერ გავრცელებულ განცხადებაში.
ფოტო: US Embassy, Georgia
