ირანი

ირანში დააკავეს 3 კაცი, რომლებიც Instagram-ის საშუალებით ბავშვებს ყიდდნენ

0 კომენტარი

ირანში დააკავეს სამი კაცი, რომლებიც Instagram-ის საშუალებით ბავშვებს ყიდდნენ. ამის შესახებ ინფორმაციას ავრცელებს BBC.

თეირანის პოლიციის უფროსის ცნობით, ორი ჩვილიდან ერთ-ერთი ოცი დღის იყო, ხოლო მეორე - ორი თვის. გამოცემის ინფორმაციით, დამნაშავეებმა ახალშობილები 500 დოლარად იყიდეს და შემდეგ ისინი 2 500 დოლარად გაყიდეს.

ერთ-ერთი დაკავებულის თქმით, ის ჩვილებს ღარიბი ოჯახებისგან ყიდულობდა და შემდეგ ისეთ ოჯახებში ყიდდა, რომლებიც ბავშვებს "უკეთეს მომავალს" შეუქმნიდნენ.

თეირანის პოლიციის უფროსის ცნობით, სამართალდამცველებმა Instagram-ის პლატფორმაზე 15-მდე მსგავსი გვერდი აღმოაჩინეს.

BBC-ის ინფორმაციით, ეს ირანში ბავშვთა ტრეფიკინგის პირველი შემთხვევაა არ არის. ამავე წელს პოლიციამ დააკავა ოთხი ქალი და ერთი კაცი, რომლებიც გაჭირვებულ ორსულ ქალებს მშობიარობის ხარჯების დაფარვას სთავაზობდნენ, შემდეგ კი მათ ბავშვებს ართმევდნენ.

ახალი ვიდეო მეტი ვიდეო

შსს-მ გაავრცელა ჩანაწერი, როდესაც ფოტოგრაფმა იაკობ ბრეგვაძემ 112-ში დარეკა (აუდიო)

კომენტარები