სტრიმინგსერვისმა Peacock-მა მომავალი სამეცნიერო ფანტასტიკური სერიალის, Brave New World-ის ახალი, სრულყოფილი ტრეილერი გამოაქვეყნა.
სერიალი ოლდოს ჰაქსლის ამავე სახელწოდების საკულტო რომანის ეკრანიზაციაა. მთავარ როლს ასრულებს ოლდენ ერენრაიკი.
სიუჟეტი შორეული მომავლის ლონდონში ვითარდება, სადაც კონსიუმერიზმს რელიგიის სახე აქვს მიღებული, მთავარი ღვთაება კი ავტომობილების მწარმოებელი, მილიარდერი ჰენრი ფორდია. ორი მთავარი გმირი შემთხვევით აღმოჩნდება ქალაქგარეთ, სისხლიანი ამბოხის ცენტრში.
