ახალი კორონავირუსი სომხეთში

სომხეთში ბოლო 24 საათში ინფიცირების 415 ახალი შემთხვევა დადასტურდა, გარდაიცვალა 10 პაციენტი

0 კომენტარი
ფოტო: armenpress.am

სომხეთის დაავადებათა კონტროლის ეროვნული ცენტრის ინფორმაციით, გასულ დღე-ღამეში სომხეთში COVID-19-ისგან 10 პაციენტი გარდაიცვალა. ვირუსის ინფექციით გარდაცვლილთა რიცხვი 443-მდე გაიზარდა. უწყების ცნობით, კორონავირუსით დაავადებული კიდევ 147 პაციენტის სიკვდილის მიზეზი სხვა დაავადებები გახდა.

გაიზარდა ინფიცირების მაჩვენებელიც – ბოლო 24 საათში ქვეყანაში კორონავირუსის 415 ახალი შემთხვევა დადასტურდა, ეპიდემიის გავრცელებიდან დღემდე ვირუსული ინფექცია 25 542 ადამიანს დაუდგინდა. COVID 19-ისგან გამოჯანმრთელდა 751 პირი, სულ კი ვირუსისგან 14 048 პაციენტი განიკურნა.

ამ დროის მონაცემებით, სომხეთში კორონავირუსის აქტიური 10 904 შემთხვევაა. 112 000-მდე ადამიანს ვირუსულ ინფექციაზე ჩაუტარდა ტესტირება.

სომხეთის ჯანდაცვის მინისტრი მოსახლეობას მუწოდებს, შეიკავონ თავი მეგობრებისა და ნათესავების ნახვისგან. ასევე არ გავიდნენ რესტორნებსა თუ ბარებში და, რამდენადაც შესაძლებელია, დარჩნენ სახლში.

ახალი ვიდეო მეტი ვიდეო

შსს: დავაკავეთ 6 პირი, მათ საქმის გასარჩევად "კანონიერ ქურდებს", კუსას და ხონსკის მიმართეს

კომენტარები