ელონ მასკის მიერ დაარსებული ავტომწარმოებელი კომპანია Tesla-ს საბაზრო კაპიტალიზაცია ბოლო 5 დღეში უფრო მეტად გაიზარდა, ვიდრე სამი დიდი ავტომწარმოებლის ღირებულებაა.
ბოლო დღეებში Tesla-ს მოცულობა დღიურად საშუალოდ 14 მილიარდი დოლარით იზრდებოდა, ზრდამ ჯამურად 70 მილიარდ დოლარს გადააჭარბა, რაც საგრძნობლად აღემატება Ford-ის, General Motors-ისა და Fiat Chrysler-ის ჯამურ საბაზრო მოცულობას.
ჯერ კიდევ 2019 წლის ოქტომბერში Tesla-ს კაპიტალიზაცია General Motors-ის მოცულობას საგრძნობლად ჩამორჩებოდა. კომპანიის მიმართ ენთუზიაზმის ზრდა გასული კვარტლის მაჩვენებლებმა განაპირობა.
კერძოდ, 2 ივლისს ცნობილი გახდა, რომ წლის მეორე კვარტალში კომპანიამ 90 650 ავტომობილი გაყიდა, რაც პროგნოზირებულ მაჩვენებელს დაახლოებით 8 000-ით აღემატება.
წლის დასაწყისიდან დღემდე, Tesla-ს საბაზრო კაპიტალიზაცია 170 მილიარდი დოლარით არის გაზრდილი.
