ბოლო 24 საათში საქართველოში Covid-19-ის 8 ახალი შემთხვევა დაფიქსირდა და ჯამურად შემთხვევათა რაოდენობა 981 გაუტოლდა. პარალელურად ბოლო 24 საათში გამოჯანმრთელდა 5 ადამიანი და მათმა საერთო რაოდენობამ 851 შეადგინა.
ამ დროისთვის კარანტინში იმყოფება 4851 პირი, ხოლო სამკურნალო დაწესებულებებში - 231 მოქალაქე. პანდემიის დაწყების მომენტიდან ახალი დაავადებით საქართველოში სულ 15 ადამიანი გარდაიცვალა.
მსოფლიოში კორონაივირუსის შემთხვევათა საერთო რაოდენობამ 12 მილიონს გადააჭარბა, გარდაიცვალა 559 ათასი პაციენტი.
