Edison Research-ის მიერ ჩატარებული კვლევის მიხედვით, საქართველოში მოსახლეობის ყველაზე დიდი ნაწილი უკრაინასა და აშშ-ს ენდობა, ყველაზე ნაკლები - რუსეთს. უკრაინას გამოკითხულთა 93% ენდობა, აშშ-ს კი 92%.
გამოკითხულთა 90% ამბობს, რომ დიდ ბრიტანეთს ენდობა, 85% - ისრაელს, 74% - თურქეთს, 73% - აზერბაიჯანს, 68% - სომხეთს, 56% - ირანს.
გამოკითხულთა 72% რუსეთს არ ენდობა.
Edison Research-მა კვლევა 23 ივნისიდან 13 ივლისამდე პერიოდში, ტელეკომპანია ფორმულას დაკვეთით ჩაატარა. კომპანიამ ქვეყნის მასშტაბით 2000 ადამიანი გამოკითხა. კვლევის ცდომილება 2.1%-ია.
