დედოფლისწყაროს მუნიციპალიტეტში გუშინ დაკარგული ორივე მოზარდი თბილისში იპოვეს - ინფორმაცია ტაბულას შინაგან საქმეთა სამინისტროში დაუდასტურეს.
ერთერთი მოზარდის პოვნის შესახებ ინფორმაცია, დაახლოებით, ორი საათის წინ გავრცელდა. შსს-ს ცნობით, მეორე მოზარდი ისანში იპოვეს.
მოზარდები სახლიდან გუშინ, 27 ივლისს გავიდნენ. პოლიციამ მათი სამძებრო სამუშაოები დღეს დაიწყო.
გამოძიება სსკ-ის 143-ე მუხლით მიმდინარეობს, რაც თავისუფლების უკანონოდ აღკვეთას გულისხმობს.