აჭარის ავტონომიური რესპუბლიკის ჯანმრთელობისა და სოციალური დაცვის მინისტრად ნინო ნიჟარაძე დაინიშნა. ამის შესახებ აჭარის მთავრობის თავმჯდომარემ მთავრობის სხდომაზე განაცხადა.
"ნინო ნიჟარაძემ განსაკუთრებით გამოიჩინა თავი ბოლო პერიოდში, COVID 19-თან ბრძოლაში, ის არის გამორჩეული პროფესიონალი და ეპიდემიოლოგი". – აღნიშნავს აჭარის მთავრობის თავმჯდომარე თორნიკე რიჟვაძე.
ნინო ნიჟარაძე აქამდე აჭარის ჯანმრთელობისა და სოციალური დაცვის მინისტრის პირველი მოადგილის თანამდებობას იკავებდა. ჯანდაცვის ყოფილი მინისტრი ზაალ მიქელაძე ქობულეთის მაჟორიტარ დეპუტატად იყრის კენჭს.
