ინდოეთის შინაგან საქმეთა მინისტრ ამით შაჰს კორონავირუსი დაუდასტურდა. ის დღეს, 2 აგვისტოს, საავადმყოფოში კორონავირუსის სიმპტომების გამოვლენის შემდეგ გადაიყვანეს.
"ვთხოვ ყველას, ვისაც ბოლო რამდენიმე დღის განმავლობაში ჩემთან კონტაქტი ჰქონდა, გადახვიდეთ თვითიზოლაციაში და გაიაროთ ტესტირება". – ამბობს ამით შაჰი.
მსოფლიოს მასშტაბით ინდოეთი COVID 19-ის დადასტურებული შემთხვევების რაოდენობით მესამე ადგილზეა. ბოლო 24 საათის განმავლობაში ინდოეთში კორონავირუსის 52 339 ახალი შემთხვევა გამოვლინდა და გარდაიცვალა 755 ინფიცირებული.
სულ ქვეყანაში დადასტურებულია ვირუსის 1 804 258 შემთხვევა, გარდაცვლილია 38 158 ადამიანი, ხოლო 1 186 981 პაციენტი გამოჯანმრთელდა.
