ევროპარლამენტარი და ლიტვის ყოფილი პრემიერმინისტრი, ანდრიუს კუბილიუსი რუსეთის მიერ საქართველოში შემოჭრის მე-12-ე წლისთავს Twitter-ზე ეხმაურება.
კუბილიუსი ამბობს, რომ რუსეთის განგრძობითი პროვოკაციები საოკუპაციო ძალების არალეგალურად განლაგებით და აფხაზეთისა და ცხინვალის რეგიონების მცოცავი ანექსიით, უხეშად არღვევს 2008 წლის 12 აგვისტოს შეთანხმების პირობებს.
"იმპერიალისტური რუსეთის ეს გზა განწირულია. ერთადერთი ევროპული გზა რუსეთისთვის არის ის, რომ მიბაძოს საქართველოს, რომელიც ევროპული რეფორმების წარმატებით გატარების მაგალითია." – წერს ევროპარლამენტარი.
2008 წელს რუსული საოკუპაციო ძალების ინტერვენციების შედეგად, საქართველოს 228 მშვიდობიანი მოქალაქე, 170 სამხედრო და 14 პოლიციელი დაიღუპა. საკუთარი საცხოვრებელი 150 ათასმა ადამიანმა დატოვა, საიდანაც ბევრი კვლავ დევნილობაში რჩება.
