სლოვაკეთი ბრატისლავაში რუსეთის საელჩოს სამ თანამშრომელს ჯაშუშობისთვის აძევებს. ინფორმაცია ორშაბათს სლოვაკეთის საგარეო საქმეთა სამინისტრომ დაადასტურა.
“სლოვაკეთის დაზვერვის სამსახურის ინფორმაციის თანახმად, მათი მოქმედებები ეწინააღმდეგებოდა დიპლომატიურ ურთიერთობებთან დაკავშირებით ვენის კონვენციას”. – განაცხადა საგარეო სამინისტროს სპიკერმა.
სლოვაკური ინტერნეტ გამოცემის aktuality.sk-ს თანახმად, დიპლომატები პერსონა ნონ გრატად 6 აგვისტოს გამოაცხადეს. ქვეყნის დასატოვებლად მათ დრო კვირის ბოლომდე აქვთ.
სლოვაკეთში რუსეთის საელჩოს მომხდარზე კომენტარი არ გაუკეთებია.
რუსეთის საგარეო საქმეთა სამინისტროს განცხადებით, რუსული მხარე სლოვაკეთს შესაბამის პასუხს გასცემს.