ქობულეთში, სოფელ გვარაში, გამოძახებაზე მისული პოლიციელი, ალკოჰოლური ზემოქმედების ქვეშ მყოფმა კაცმა ცივი იარაღით დაჭრა.
როგორც ტაბულას შსს-ში უთხრეს, დაკავებულია ერთი ადამიანი.
უწყების ცნობით, დაშავებული პოლიციელის ჯანმრთელობის მდგომარეობა სტაბილურია. გამოძიება კი საქართველოს სისხლის სამართლის კოდექსის 353-ე პრიმა მუხლით დაიწყო, რაც პოლიციელზე თავდასხმას გულისხმობს.