ბათუმში, კარანტინში მყოფი 27 წლის კაცი სასტუმროს მეოთხე სართულიდან გადახტა. მისი ჯანმრთელობის მდგომარეობა მძიმეა. შემთხვევა გუშინ, 13 აგვისტოს მოხდა.
შსს-ს ცნობით, მამაკაცი საქართველოში 13 აგვისტოს, სარფის სასაზღვრო გამტარი პუნქტიდან შემოვიდა, რის შემდეგაც ის სავალდებულო კარანტინის გავლის მიზნით, თანმხლებ პირთან ერთად, გადაყვანილ იქნა ბათუმში, ერთ-ერთ სასტუმროში, საკარანტინო სივრცის ერთ ნომერში.
"14 აგვისტოს ფ.ჯ., რომელიც ამ ეტაპზე გამოძიების მიერ გაურკვეველი მიზეზით არაადეკვატურად და აგრესიულად იქცეოდა, მოულოდნელად სასტუმროს მე-4 სართულიდან სასტუმროს შიდა ტერიტორიაზე გადახტა". - წერია შსს-ს მიერ გავრცელებულ განცხადებაში.
უწყების ცნობით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.