ამბროლაურის მუნიციპალიტეტში მამაკაცი საკუთარ სახლთან ახლოს მოკლული იპოვეს – ინფორმაცია ტაბულას შინაგან საქმეთა სამინისტროში დაუდასტურეს.
გავრცელებული ინფორმაციით, მამაკაცს თანასოფლელებთან ჰქონდა კონფლიქტი. ადგილზე ამ დროისთვის ექსპერტ-კრიმინალისტები მუშაობენ.
შსს-ს ცნობით, პოლიციას უკვე იდენტიფიცირებული ჰყავს დანაშაულის სავარაუდო ჩამდენი პირები.
მომხდარზე გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.
