ცენტრალური საარჩევნო კომისიის ცნობით, 2020 წლის საპარლამენტო არჩევნებზე პარტიების რეგისტრაციის პროცესი დასრულდა. საარჩევნო ბიულეტენზე 66 პარტია იქნება წარმოდგენილი.
საპარლამენტო არჩევნები 31 ოქტომბერს ჩატარდება. საარჩევნო მარათონი კი ოფიციალურად 1 სექტემბერს დაიწყო.
ოპოზიციური პარტიებისა და სამოქალაქო საზოგადოების ერთიანი ბრძოლით მიღწეული ცვლილებების შედეგად, არჩევნები 120/30-ზე პრინციპით ჩატარდება, რაც საკანონმდებლო ორგანოში 120 დეპუტატის პროპორციული სიით არჩევას, 30-ის კი მაჟორიტარული პრინციპით არჩევას გულისხმობს.