კრისტოფერ ნოლანის ახალმა ბლოკბასტერმა, Tenet-მა, გლობალური პანდემიის პირობებში, კინოგაქირავებაში $150 000 000-ის მოგროვება შეძლო.
ფილმის პრემიერა 41 ქვეყანაში გაიმართა. აშშ-ს ტერიტორიაზე სურათმა $53 000 000 გამოიმუშავა. მაღალი შემოსავალი ასევე ჩინეთის ბაზარმა განაპირობა.
ნოლანის სამეცნიერო ფანტასტიკურ ფილმში მთავარ როლებს ჯონ დევიდ ვაშინგტონი და რობერტ პატინსონი თამაშობენ.
Tenet-ი ქართულ კინოთეატრებში 15 სექტემბერს გამოვა.
