ინგლისელმა კომიკოსმა, საშა ბარონ კოენმა, 2006 წელს გამოსული საკულტო კომედიის, ბორატის მეორე ნაწილი გადაიღო.
სიუჟეტის დეტალები ამ ეტაპზე უცნობია, თუმცა გამოცემა Collider-ის მტკიცებით, იქიდან გამომდინარე, რომ ბორატი ცნობადი პერსონაჟია, ახალ ნაწილში საშა ბარონ კოენი შენიღბული იქნება.
ბორატი საშა ბარონ კოენის ერთ-ერთი ალტერეგოა. ესაა ყაზახი ჟურნალისტი, რომელიც აშშ-ში მიემგზავრება. მოგზაურობისას იგი ეცნობა მოსახლეობას და ამერიკული ცხოვრების სტილს. ფილმის დიდი ნაწილი ფარული კამერით გადაღებული დოკუმენტური სცენებისგან შედგება. პირველმა ნაწილმა 18-მილიონიანი ბიუჯეტით 261 მილიონი დოლარი მოაგროვა.