საქართველოს ეროვნული ბანკის მონაცემებით, 2020 წლის აგვისტოში ქვეყანაში შემოსული ფულადი გზავნილების ნაკადების მოცულობამ 184.2 მლნ აშშ დოლარი (566.2 მლნ ლარი) შეადგინა, რაც 25.8%-ით (37.8 მლნ აშშ დოლარით) მეტია 2019 წლის აგვისტოს ანალოგიურ მაჩვენებელზე.
მთლიან ჩარიცხულ მოცულობაში ყველაზე დიდი წილი შემდეგ ქვეყნებს ჰქონდა:
- რუსეთი - 18.97%
- იტალია - 15.17%
- აშშ - 11.97%
- საბერძნეთი - 11.20%
- ისრაელი - 7.76%
საქართველოდან საზღვარგარეთ კი 2020 წლის აგვისტოში 23.1 მლნ აშშ დოლარი (71.1 მლნ ლარი) გადაიგზავნა, რაც 2019 წლის აგვისტოს (19.0 მლნ აშშ დოლარი) ანალოგიურ მაჩვენებელთან შედარებით 21.5%-ით მეტია.