კორონავირუსის 182 ახალი შემთხვევიდან 129 აჭარაში გამოვლინდა. აქედან ბათუმში 114, ქობულეთში - 11, ქედაში 3 და შუახევში - 1.
გარდა ამისა, თბილისის ინფექციური საავადმყოფოს სამედიცინო დირექტორის მარინა ეზუგბაიას თქმით, ინფიცირების ახალი შემთხვევებიდან 34 თბილისში დადასტურდა, 11 იმერეთში, 4 რუსთავში, 3 გურიაში და 1 კახეთში.
სულ ქვეყანაში გამოვლენილია ახალი კორონავირუსის 3 119 შემთხვევა, საიდანაც გამოჯანმრთელდა 1 435 პაციენტი და გარდაიცვალა – 19.
ბოლო კვირის განმავლობაში ქვეყანაში ახალი კორონავირუსის შემთხვევების გამოვლენა მკვეთრად გაიზარდა. უწყებათაშორისი საკოორდინაციო საბჭოს გადაწყვეტილებით, საქართველოს ყველა დიდ ქალაქში სასწავლო პროცესი 1-ელ ოქტომბრამდე გადაიდო. აკრძალულია 200 ადამიანზე მეტის შეკრება, როგორც დახურულ, ისე ღია სივრცეებშიც. ასევე აკრძალულია ქორწილებისა და ქელეხების გადახდა.
