ავსტრალიურმა ავიაკომპანია Qantas-მა მოგზაურობას მონატრებული ადამიანებისთვის ახალი მიმართულება დანიშნა - "ფრენა დანიშნულების ადგილის გარეშე".
რეისი 10 ოქტომბერს შესრულდება. თვითმფრინავი სიდნეის აეროპორტიდან გაფრინდება და 7 საათის განმავლობაში ავსტრალიის თავზე იფრენს, შემდეგ კი იმავე აეროპორტში დაბრუნდება.
ბილეთების ფასი 575 დოლარიდან 2 765 დოლარამდე მერყეობდა და ისინი 10 წუთში სრულად გაიყიდა.
"Qantas-ის ისტორიაში ბილეთები ასე სწრაფად არასდროს გაყიდულა. ადამიანებს მოენატრათ მოგზაურობა და ფრენის გამოცდილება". – თქვა ავიახაზების წარმომადგენელმა.
ფრენას ბოინგი 787 შეასრულებს, სადაც 134 ადგილია.
