ფორსაჟის ვარსკვლავმა, ვინ დიზელმა სადებიუტო სიმღერა - Feel Like I Do გამოაქვეყნა.
სიტყვები მსახიობს ეკუთვნის, ხოლო მუსიკა ნორვეგიელმა პროდიუსერმა Kygo-მ დაწერა.
საცეკვაო კომპოზიციაში დიზელი იმაზე მღერის, თუ როგორ კარგად გრძნობს თავს.
"დიდი ხნის ოცნება ავისრულე. ყოველთვის მინდოდა სიმღერის ჩაწერა, უბრალოდ კომფორტის ზონიდან გამოსვლის მეშინოდა. იმედია, მოგეწონებათ". – წერს მსახიობი სოციალურ ქსელში.