მთიანი ყარაბაღის კონფლიქტი

აზერბაიჯანი და სომხეთი ერთმანეთს ბრალს სდებენ ცეცხლის შეწყვეტის შეთანხმების დარღვევაში

0 კომენტარი
ტერტერი. 9 ოქტომბერი.

აზერბაიჯანი და სომხეთი მთიანი ყარაბაღის რეგიონში ერთმანეთს ბრალს სდებენ ცეცხლის შეწყვეტის შეთანხმების დარღვევაში.

რამდენიმე საათის წინ აზერბაიჯანი და სომხეთი ყარაბაღის რეგიონში ცეცხლის შეწყვეტაზე შეთანხმდნენ. ამის შესახებ რუსეთის საგარეო საქმეთა მინისტრმა, სერგეი ლავროვმა აზერბაიჯანელ და სომეხ კოლეგებთან გამართულ შეხვედრის შემდეგ განაცხადა. მოლაპარაკებები 10 საათის განმავლობაში გრძელდებოდა. 

შეთანხმების ამოქმედებიდან მალევე, რამდენიმე წუთში მხარეებმა ერთმანეთი მის დარღვევაში დაადანაშაულეს.

სომხეთის თავდაცვის სამინისტრო აზერბაიჯანს ადანაშაულებს, რომ სომხეთის დასახლებაზე საარტილერიო შეტევა განახორციელა. მთიანი ყარაბაღის რეგიონში ეთნიკურად სომხების ძალები აზერბაიჯანელ სამხედროებს ადანაშაულებენ, რომ შეთანხმების ამოქმედებიდან 5 წუთში მათ წინააღმდეგ ახალი შეტევა დაიწყეს.

აზერბაიჯანის მხარე კი ამბობს, რომ ყარაბაღში დაპირისპირებულმა ძალებმა აზერბაიჯანის ტერიტორიაზე საარტილერიო შეტევა განახორციელეს. 

ორივე მხარე უარყოფს სამხედრო აქტივობების შესახებ.

აზერბაიჯანის პრეზიდენტმა ილჰამ ალიევმა თქვა, რომ დაპირისპირებული მხარეები ახლა პოლიტიკური მოლაპარაკების ძიების მცდელობაში არიან.

შეგახსენებთ, რომ სომხეთის საგარეო საქმეთა მინისტრი, ზოგრაბ მნაცკანიანი და აზერბაიჯანის საგარეო საქმეთა მინისტრი, ჯეიხუნ ბაირამოვი მოსკოვში მას შემდეგ ჩავიდნენ, რაც წინა დღით, ვლადიმირ პუტინმა ორივე მხარეს ცეცხლის დაუყოვნებლივ შეწყვეტისკენ მოუწოდა. რუსეთის, სომხეთისა და აზერბაიჯანის საგარეო საქმეთა მინისტრების შეხვედრა დახურულ ფორმატში მიმდინარეობდა.

მხარეების შეთანხმდნენ:

  • გადაწყვეტილება ცეცხლის შეწყვეტის შესახებ ძალაში შედის 2020 წლის 10 ოქტომბრის 12:00 საათიდან, ჰუმანიტარული მიზნებიდან გამომდინარე, რათა მოხდეს სამხედრო ტყვეებისა და სხვა დაკავებული პირების გაცვლა, ასევე დაღუპული სამხედროების ცხედრების გაცვლა წითელი ჯვრის შუამავლობით და დადგენილი კრიტერიუმების მიხედვით;
  • ცეცხლის შეწყვეტის შესახებ კონკრეტულ პარამეტრები დამატებით შეთანხმდება;
  • აზერბაიჯანის და სომხეთის რესპუბლიკა ეუთოს მინსკის ჯგუფის სახელმწიფოთა შუამავლობით, დარეგულირების საბაზისო პრინციპებზე დაყრდნობით, შეუდგებიან არსებით მოლაპარაკებებს, კონფლიქტს უსწრაფესი და მშვიდობიანი დარეგულირების მიზნით;
  • სამმხრივი კონსულტაციების შედეგად, მხარეები ადასტურებენ მოლაპარაკებათა ფორმატის უცვლელობას.

ჯერ კიდევ მოლაპარაკებათა მიმდინარეობის დროს სომხეთის თავდაცვის სამინისტროს წარმომადგენელმა, არწრუნ ოვანისიანმა განაცხადა, რომ აზერბაიჯანმა შეტევა განახორციელა არაღიარებული ე.წ. მთიანი ყარაბაღის რესპუბლიკის დედაქალაქ სტეფანაკერტზე.მანამდე რამდენიმე საათით ადრე, ბაქოში გაავრცელეს ინფორმაცია სომხეთის ტერიტორიიდან გაშვებული ბალისტიკური რაკეტის შესახებ, რომელიც, მათი ცნობით, აზერბაიჯანის არმიამ ჩამოადგო.

მთიან ყარაბაღში ომი 27 სექტემბერს განახლდა, ომი აზერბაიჯანისა და სომხეთის შეიარაღებულ ძალებს შორის ფრონტის რამდენიმე მონაკვეთზე ერთდროულად მიმდინარეობს. წინა დაპირისპირებებისგან განსხვავებით, მიმდინარე კონფლიქტში მხარეებს შორის განსაკუთრებით ხშირად იყენებენ დრონებს და უპილოტო საფრენ აპარატებს.

ასევე, იყენებენ არტილერიას, მძიმე ჯავშანტექნიკას და სარაკეტო სისტემებს, დაღუპულია ათეულობით ადამიანი.

ახალი ვიდეო მეტი ვიდეო

სტუმრების ცემისთვის ბარის დაცვის თანამშრომლების შემდეგ მენეჯერიც დააკავეს

კომენტარები