მიმდინარე წლის სექტემბერში საქართველოში შემოსული ფულადი გზავნილების მოცულობა წინა წლის ანალოგიურ პერიოდთან შედარებით 28.7%-ით გაიზარდა და 192.7 მილიონი დოლარი შეადგინა.
გასული წლის სექტემბერთან შედარებით ზრდა 43 მილიონი დოლარია. აღსანიშნავია ისიც, რომ მიმდინარე წელს ყველაზე დიდი მოცულობის გზავნილი სწორედ გასულ თვეში განხორციელდა.
მიმდინარე წლის იანვარ-სექტემბერში განხორციელებული ფულადი გზავნილების მოცულობა 1.3 მილიარდი დოლარი შეადგინა. თვეეების მიხედვით ფულადი გზავნილების სტატისტიკა შემდეგნაირად გამოიყურება:
- იანვარი - $125.6 მილიონი;
- თებერვალი - $137.3 მილიონი;
- მარტი - $125.9 მილიონი;
- აპრილი - $79.1 მილიონი;
- მაისი - 131.8 მილიონი;
- ივნისი - $169.2 მილიონი;
- ივლისი - $188.7 მილიონი;
- აგვისტო - $184.2 მილიონი;
- სექტემბერი - $192.7 მილიონი.