ეკონომიკა

აზიის განვითარების ფონდი ეკონომიკური ზიანის აღდგენისთვის საქართველოს $200 მლნ სესხს აძლევს

0 კომენტარი

აზიის განვითარების ბანკმა (ADB) 200 მილიონი აშშ დოლარის ოდენობის პოლიტიკაზე დაფუძნებული სესხი დაამტკიცა კორონავირუსის (COVID-10) პანდემიით მიყენებული ზიანისგან საქართველოს ეკონომიკის აღდგენის ხელშესაწყობად, რომელიც მიმართულია საქართველოში ჯანდაცვაზე, სოციალურ დაცვასა და ეკონომიკაზე პანდემიით მიყენებული ზიანის შესარბილებლად

"ამ პროგრამით გათვალისწინებული ნაბიჯები კრიტიკულად მნიშვნელოვანია COVID-19-ის ეკონომიკური გავლენის შესარბილებლად და მაკროეკონომიკური სტაბილურობის საშუალოდან გრძელვადიან პერიოდში შესანარჩუნებლად; ასევე კრიზისისგან ყველაზე მეტად დაზარალებული მოსახლეობის სიცოცხლისუნარიანობის დასაცავად.

პროგრამა დაეხმარება ხანდაზმულ მოქალაქეებს, ვინც კოვიდ-19-ის შედეგების წინაშე განსაკუთრებით დაუცველია". – თქვა ADB-ის უმცროსმა სპეციალისტმა, როჯერიო დე ალმეიდა ვიეირა დე სამ.

ფონდის ინფორმაციით, პროგრამა ADB-ის მიერ მიმდინარე წლის მაისში დამტკიცებული $100 მილიონიანი სესხის დამატებაა, რომელიც გამიზნული იყო მთავრობის ანტიკრიზისული ღონისძიებების დასახმარებლად, მათ შორის, მცირე და საშუალო ბიზნესებისთვის გადასახადების გადავადების, პანდემიის დროს უმუშევრად დარჩენილი მოსახლეობისთვის დროებითი ფულადი დახმარებისა და COVID-19-ის უფასო დიაგნოსტიკისა და მკურნალობისთვის.

აზიის განვითარების ფონდი 1966 წელს დაარსებული ორგანიზაციაა, რომელიც აერთიანებს 68 ქვეყანას, მათ შორის 49 აზიის რეგიონიდანაა წარმოდგენილი.

29 ოქტომბრის მონაცემებით, საქართველოში კორონავირუსით ინფიცირების 1 709 ახალი შემთხვევა დადასტურდა. გარდაიცვალა 20 და გამოჯანმრთელდა 2075 ადამიანი. 

ბოლო მონაცემებით, ქვეყანაში კორონავირუსის 35 567 შემთხვევაა დადასტურებული, მათგან 16 904 პაციენტი გამოჯანმრთელდა, 273 კი გარდაიცვალა. 

ახალი ვიდეო მეტი ვიდეო

შსს: დედა-შვილი მოქალაქეებს დევნილის სტატუსს ჰპირდებოდა და ფულს ართმევდა

კომენტარები