საქართველოში მცხოვრებმა ეთნიკურმა სომხებმა და სომხურმა არასამთავრობო ორგანიზაციებმა დღეს, თბილისში, საფრანგეთის საელჩოსთან, მადლიერების აქცია გამართეს.
აქციის მონაწილეები საელჩოსთან საქართველოს და სომხეთის დროშებით მივიდნენ და პატარა სანთლების განლაგებით გამოსახეს სიტყვა - Merci. აქციის მონაწილეებმა ასე მადლიერება გამოხატეს საფრანგეთის სენატის მიერ იმ კანონპროექტის მხარდაჭერისთვის, რომელიც ოსმალეთის იმპერიაში სომხების გენოციდის უარყოფის კრიმინალიზაციას ითვალისწინებს.
სომხეთი აცხადებს, რომ პირველი მსოფლიო ომის დროს 1. 5 მილიონი სომეხი შეიწირა გენოციდმა ოსმალეთის იმპერიაში. თურქეთი კი არასწორად მიიჩნევს დასახელებულ ციფრს და თან უარყოფს გენოციდის ბრალდებას.
საფრანგეთი ერთ-ერთია იმ ქვეყნებს შორის, რომლებმაც სცნეს სომხების გენოციდი. საფრანგეთის პრეზიდენტმა ნიკოლა სარკოზიმ გასულ წელს , თავისი კავკასიური ტურენს დროს, მოუწოდა თურქეთს გენოციდად აღიაროს სომხების დახოცვა გასული საუკუნის დასაწყისში.
