92 წლის ასაკში, იტალიაში ტონინო გუერა გარდაიცვალა. სახელგანთქმული იტალიელი სცენარისტი, მწერალი, პოეტი, მხატვარი საავადმყოფოდან რამდენიმე დღის წინ, საკუთარ დაბადების დღეს გაწერეს, რათა ავტობიოგრაფიული წიგნის პრეზენტაციას დასწრებოდა.
ტონინო გუერა 100-ზე მეტი სცენარის ავტორია. ის თანამშრომლობდა ისეთ რეჟისორებთან როგორებიც იყვნენ ფედერიკო ფელინი, ანდრეი ტარკოვსკი, მიქელანჯელო ანტონიონი, პიერ პაოლო პაზოლინი... ტონინო გუერა არის ავტორი სცენარებისა ფილმებისთვის: ”ამარკორდი,” ორკესტრის რეპეტიცია,” ”წითელი უდაბნო”, ”ფოტოგადიდება,” ”ნოსტალგია” და სხვა. ტონინო გუერას დაწერილი სცენარებისთვის მიღებული აქვს კანის კინო-ფესტივალისა და ამერიკის კინო აკადემიის ჯილდოები. პირველი ოსკარი მან 1966 წელს მიიღო, სცენარისთვის ფილმისთვის -,,კაზანოვა.’’
ტონინო გუერა გასულ წელს საქართველოში, ბათუმის საერთაშორისო ფესტივალზე (BIAFF) ჩამოსვლას გეგმავდა, რაც ჯანმრთელობის გაუარესების გამო ვერ მოახერხა.
