Life

Guide 7-13 მაისი

0 კომენტარი


1) ზაფხულის ბლოკბასტერების სეზონს ჯოშ უიდოუს ფილმი „შურისმაძიებლები” გახსნის. მარველის კომიქსების რჩეული პერსონაჟები – კაპიტანი ამერიკა, ჰალკი, რკინის კაცი და თორი ერთიანდებიან, რათა ლოკის დედამიწის განადგურებაში ხელი შეუშალონ. უიდოუს ფილმმა აშშ-ში კრიტიკოსების ძალიან მაღალი შეფასებები დაიმსახურა და უკვე მარველის კომიქსების ერთ-ერთ საუკეთესო ეკრანიზაციად ითვლება.

ყვითელს თამამად შეიძლება ვუწოდოთ სეზონის ერთ-ერთი ყველაზე მოდური ფერი. ეს არა მხოლოდ სამოსს ეხება – Pentax-მა გამოუშვა მხიარული ყვითელი ფერის „კომპაქტური” ფოტოკამერა K-01, რომელიც ორიგინალური, რეტრო სტილის დიზაინით გამოირჩევა, თუმცა ამ ნიუანსს ტექნიკურ მონაცემებთან კავშირი არ აქვს – K-01-ს 16-მეგაპიქსელიანი გამოსახულების მიღება შეუძლია და სამდუიმიანი LCD მონიტორითაა აღჭურვილი.

BBC-ის რეპორტიორმა ბენ ანდერსონმა ახლახან გამოსცა წიგნი No Worse Enemy: The Inside Story of the Chaotic Struggle for Afghanistan, სადაც დეტალურად აღწერა ავღანეთის ომში გადახდენილი ამბები. New Yorker-ი წიგნს საუცხოოს უწოდებს და ავტორს გაბედული და გულახდილი წერის მანერას უქებს. თუ ანდერსონის პროფილსაც გავითვალისწინებთ, ეს ის წიგნია, რომელიც უნდა წაიკითხოს ყველამ, ვინც სამხედრო ჟურნალისტიკითაა დაინტერესებული.

ახალი ვიდეო მეტი ვიდეო

ვანო მერაბიშვილმა საპატიმრო დატოვა (LIVE)

კომენტარები