თბილისის დინამოს ოფიციალური ვებგვერდის ინფორმაციით, მომავალ სეზონში კლუბს ჩეხი სპეციალისტები დუშან უჰრინი და მისი შვილი უმცროსი დუშან უჰრინი უხელმძღვანელებენ.
უფროსი დუშან უჰრინი, რომლის თავკაცობით ჩეხეთის ნაკრებმა 1996 წელს ევროპის ვიცე-ჩემპიონის ტიტული მოიპოვა, 2006-2008 წლებში წვრთნიდა კლუბს. მასთან ერთად დინამომ საქართველოს ჩემპიონის ტიტული ერთხელ მოიპოვა.
უმცროსი უჰრინი მაშობლოში ბოლესლავის მლადას, რუმინეთში კი ტიმიშოარას პოლიტექნიკას წვრთნიდა. ორივე კლუბთან ერთად მან ვიცე-ჩემპიონის ტიტულები მოიგო.
დინამოს ოფიციალური ვებგვერდის ცნობით, ჩეხ სპეციალისტებთან დაკავშირებით რამდენიმე დღეში დაწვრილებითი ინფორმაცია გავრცელდება.