განათლებისა და მეცნიერების მინისტრის პოსტზე ახლადწარდგენილი ხატია დეკანოიძე ამ ეტაპზე გამოცდების ეროვნულ ცენტრსაც უხელმძღვანელებს.
როგორც გამოცდების ეროვნულ ცენტრში აცხადებენ, ხატია დეკანოიძე ცენტრის ხელმძღვანელის პოსტზე ეროვნული გამოცდების დასრულებამდე დარჩება. ამ დროისთვის უცნობია ვინ უხელმძღვანელებს გამოცდების ეროვნულ ცენტრს შემდგომში.
განათლებისა და მეცნიერების ახლადწარდგენილი მინისტრი ხატია დეკანოიძე 2008 წლიდან შინაგან საქმეთა სამინისტროს პოლიციის აკადემიის უფროსი იყო, ხოლო გამოცდების ეროვნული ცენტრის ხელმძღვანელის, მაია მიმინოშვილის თანამდებობიდან გადაყენების შემდეგ, მისი ადგილი დაიკავა.
