საქართველოს პარლამენტმა დღევანდელ რიგგარეშე სხდომაზე 102 ხმით 7-ის წინააღმდეგ მინისტრთა კაბინეტის ახალი შემადგენლობა დაამტკიცა.
საპარლამენტო უმრავლესობამ მთავრობის პროგრამას ,,მეტი სარგებელი ხალხს’’ ნდობა გამოუცხადა. საპარლამენტო ოპოზიციის დიდი ნაწილი სხდომას არ დასწრებია.
სამთავრობო ცვლილებების მიხედვით, საქართველოს პრემიერ-მინისტრი ვანო მერაბიშვილი გახდა, მისი ყოფილი თანამდებობა - შსს მინისტრის პოსტი, ბაჩო ახალაიამ დაიკავა. თავდაცვის მინისტრი დიმიტრი შაშკინი, ხოლო განათლებისა და მეცნიერების მინისტრი ხატია დეკანოიძე გახდა. ლტოლვილთა და განსახლების მინისტრის პოსტზე კობა სუბელიანი დალი ხომერიკმა შეცვალა. ცვლილებების ფარგლებში შექმნილ დასაქმების სახელმწიფო მინისტრის აპარატს კი პაატა ტრაპაიძე ხელმძღვანელობს.
