ლონდონის ოლიმპიადის მონაწილე ქართველი ძიუდოისტი, ლაშა შავდათუაშვილი ნახევარფინალში გავიდა. 20 წლის ქართველმა ძიუდოისტმა დღეს უკვე მესამე გამარჯვება იზეიმა.
ლაშა შავდათუაშვილმა ჩილელი სპორტსმენი ალეჰანდო სუნიგა დაამარცხა, რის შემდეგაც შეჯიბრის 1/16 ფინალში ფრანგ მოწინააღმდეგეს, დავიდ ლაროშეს სძლია და მეოთხედფინალში გავიდა.
შავდათუაშვილმა მეოთხედფინალში დიდი ბრიტანეთის წარმომადგენელი კოლინ ოატესი დაამარცხა და ნახევარფინალში გავიდა.
ქართველმა ძიუდოისტმა სამივე ბრძოლა იპონით მოიგო.