კოალიცია ქართული ოცნების ლიდერმა ბიძინა ივანიშვილმა, ამერიკელი სენატორები და საქართველოში აშშ-ს ელჩი რიჩარდ ნორლანდი მიიღო. სტუმრებმა ივანიშვილს არჩევნებში მიღწეული წარმატება მიულოცეს.
ამის შესახებ ინფორმაცია, ბიძინა ივანიშვილის Facebook-ის ოფიციალური გვერდით გავრცელდა.
,,ჩვენ აქ ბატონ ბიძინასთან შესახვედრად მოვედით და გვინდოდა, რომ მისთვის ქართული ოცნების წარმატება მიგველოცა.“-განაცხადა შეხვედრის დასრულების შემდეგ სენატორმა ჯინ შაჰინმა.
სენატორმა ჯეიმს რიშმა იმედი გამოთქვა, რომ საქართველოსა და აშშ-ს შორის არსებული მეგობრული ურთიერთობა, კიდევ უფრო გაღრმავდება.