ქართული ოცნების ლიდერის ბიძინა ივანიშვილის განცხადებით, ქართული ბიზნესი აშშ-ისა და ევროპულ ბაზრებზე გასასვლელად ჯერჯერობით მზად არ არის. კოალიციის ლიდერმა Euronews-სთან ინტერვიუში განაცხადა, რომ ქართული ბიზნესი ამ ეტაპზე რუსულ ბაზარზე უნდა დაბრუნდეს.
"ქართველი მეწარმეები ჯერჯერობით არ არიან მზად, ამერიკულ ან ევროპულ ბაზრებზე პროდუქციის ექსპორტი განახორციელონ. აქედან გამომდინარე, ჩვენთვის კარგი და საინტერესო იქნებოდა რუსულ ბაზარზე დაბრუნება, რომელიც ჩვენთვის უფრო ნაცნობია.” - აღნიშნა ბიძინა ივანიშვილმა.
