NDI-ის გამოკითხვაში, კითხვაზე "რომელი პარტია დგას თქვენს შეხედულებებთან ყველაზე ახლოს?" მოსახლეობის 63%-მა კოალიცია ქართული ოცნება დაასახელა. მეორე ადგილზე ერთიანი ნაციონალური მოძრაობაა - 10%-ით. ნოემბრის ეს მონაცემები მკვეთრად განსხვავდება წინა კვლევის მონაცემებისგან. აგვისტოსთან შედარებით, ქართული ოცნების რეიტინგი 4-ჯერაა გაზრდილი, ნაციონალური მოძრაობის რეიტინგი კი 3-ჯერაა შემცირებული.
ეროვნულ-დემოკრატიულმა ინსტიტუტმა საზოგადოებრივი აზრის კვლევის შედეგების მეორე ნაწილი 17 დეკემბერს წარმოადგინა. კვლევის საველე სამუშაოები, საქართველოს მასშტაბით, 14-25 ნოემბრის პერიოდში ჩატარდა და წარმომადგენლობითი შერჩევის საფუძველზე 1,947 პირისპირ ინტერვიუს ეფუძნება.
