საპატრიარქო ხელისუფლებასა და საზოგადოებას "მსგავსი ქმედებისა და ცილისწამებისაგან ნებისმიერი მოქალაქის დასაცავად", "შესაბამისი ზომების" მიღებისკენ მოუწოდებს. ეს განცხადება მოჰყვა რელიგიათმცოდნე ზელიმხარ უძილაურის პუბლიკაციას.
წერილი, სახელით "პატრიარქის მიმართვა!!!", უძილაურმა 16 დეკემბერს თავის Facebook-ის გვერდზე გამოაქვეყნა და საქართველოს მართლმადიდებელი ეკლესიის მეთაურის მიმართვის იმიტაციას წარმოადგენს. უძილაური ილია მეორის სახელით დასავლეთს მოუწოდებს, ზურგი არ შეაქციონ საქართველოს და დაუყოვნებლივ მიიღონ ნატოში. წერილში ასევე საუბარია ივანიშვილის ხელისუფლებაში მოსვლის შემდეგ გატარებულ პოლიტიკურ რეპრესიებზე, უკრაინიზაციის საფრთხესა და რუსეთის აგრესიაზე.
აღსანიშნავია, რომ თავად საპატრიარქო საკუთარ განცხადებაშივე ადასტურებს, რომ "გონიერი მომხმარებელი მიხვდება, რომ მისი უწმინდესობის განცხადებებს ავრცელებს საქართველოს საპატრიარქო და არა ვინმე კერძო პირი, საკუთარი ვებგვერდით; მიხვდება იმასაც, რომ ეს არის შეგნებული პროვოკაცია და მიზანმიმართული ქმედება; თუმცა მოქალაქეების ნაწილი შეიძლება გამოქვეყნებული მასალის გავლენის ქვეშ მოექცეს ან დაბრკოლდეს". მიუხედავად ამისა, საპატრიარქო ამ ტექსტს მაინც ცილისმწამებლურად მიიჩნევს.
აღსანიშნავია, რომ სიტყვისა და გამოხატვის თავისუფლების შესახებ საქართველოს კანონის მიხედვით, განცხადება ცილისწამებად რომ ჩაითვალოს, ის რამდენიმე პირობას უნდა აკმაყოფილებდეს. მათ შორის, აუცილებელია, რომ დადასტურებული იყოს სადავო განცხადების მეშვეობით ზიანის მიყენების ფაქტი. საკუთარ განცხადებაში საპატრიარქოს არ განუმარტავს, რაში გამოიხატა მიყენებული ზიანი, თუკი თავადვე აღიარებს, რომ ყველა გონიერი ადამიანისათვის იმთავითვე ნათელი იყო, რომ უძილაურის მიერ გავრცელებული განცხადება იმიტაციას წარმოადგენდა
საქართველოს საპატრიარქოს პრესცენტრის განცხადება ამ გვერდზე შეგიძლიათ იხილოთ. უძილაურის მიერ გავრცელებულ მიმართვა კი აქ .