თბილისის საქალაქო სასამართლოს გადაწყვეტილებით, ირაკლი ოქრუაშვილთან ერთად უკანონო შეირაღებულ ფორმირებაში მონაწილეობისთვის ბრალდებული 6 პირი, პატიმრობიდან გათავისუფლდა.
მიმდინარე პროცესზე ხვიჩა საბაშვილს, გიორგი გაბრაშვილს, გაბრიელ პავლიაშვილს, თამაზ ბეგიაშვილს და ზაზა ბეთლემიძეს აღმკვეთი ღონისძიების სახით გირაოს გადახდა დაეკისრათ. სასამართლოს გადაწყვეტილებით, თითოეულ მათგანს 2- ათასლარიანი გირაო შეეფარდა.
სასამართლო პროცესი ამ წუთებში მტკიცებულებათა გამოკვლევის ეტაპით გრძელდება. პროცესს თავდაცვის ყოფილი მინისტრი, ირაკლი ოქრუაშვილიც ესწრება.