საინფორმაციო სააგენტო ინტერფაქსის ინფორმაციით, მოსკოვში კრიმინალური ავტორიტეტი ასლან უსოიანი, მეტსახელად დედ ხასანი მოკლეს. რესტორნიდან გამოსული უსოიანი 14:30 წუთზე სნაიპერის ტყვიას ემსხვერპლა. დაჭრილი ე.წ. კანონიერი ქურდი საავადმყოფოს რეანიმაციაშიც მოათავსეს, თუმცა მისი გადარჩენა ვერ მოხერხდა.
დედ ხასანი რუსეთსა და აღმოსავლეთ ევროპაში მოქმედი წამყვანი მაფიოზური კლანის ლიდერი იყო. ის თბილისში 1937 წელს დაიბადა და წარმოშობით ქურთია.