ენერგეტიკის მინისტრმა კახა კალაძემ, ირაკლი ალასანიასთან დაკავშირებით პრემიერის განცხადების შესახებ კომენტარი გააკეთა. როგორც კალაძემ აღნიშნა, ირაკლი ალასანიას ვიცეპრემიერობიდან გათავისუფლების შესახებ, ''ბიძინა ივანიშვილის მხრიდან ძალიან სწორი განმარტება გაკეთდა''.
"ძალიან მნიშვნელოვანია ჩვენი ქვეყნისთვის ეს უწყება, ასევე ჯარის განვითარება. იმისთვის, რომ მალე შევძლოთ NATO-ში გაწევრიანება, ამისთვის დიდი ძალისხმევაა საჭირო და ბევრი სამუშაოა ჩასატარებელი. სწორედ ამის გამო მოხდა ამ გადაწყვეტილების მიღება და მე დარწმუნებული ვარ, ირაკლი ამ ყველაფერს თავს კარგად გაართმევს", - განაცხადა კახა კალაძემ.
შეგახსენებთ, დავოსში მიმდინარე მსოფლიო ეკონომიკური ფორუმიდან საქართველოს პრემიერმინისტრი ბიძინა ივანიშვილი ირაკლი ალასანიას ვიცეპრემიერობიდან გადაყენების საკითხს გამოეხმაურა.
