ეროვნულ ბიბლიოთეკასთან ხმაურია. ტერიტორიაზე შეკრებილმა პოლიტპატიმრის სტატუსით გათავისუფლებულმა პირებმა, ბიბლიოთეკის კარი შეამტვრიეს და შენობაში შეიჭრნენ.
როგორც ტაბულას კორესპონდენტი ადგილიდან იუწყება, აქციის მონაწილეებმა შენობაში შესვლის მცდელობით არეულობა გამოიწვიეს, ხოლო ადგილზე მობილიზებული პოლიცია უმოქმედოდ არის.
დაპირისპირება მოხდა აქციის მონაწილეებსა და პრეზიდენტის დაცვის წევრებს შორის. შეკრებილებმა რამდენიმე შუშაც ჩაამტვრიეს.
აქციის მონაწილეები აცხადებენ, რომ თუ დარბაზში შესვლის საშუალება არ მიეცემათ, პრეზიდენტს ბიბლიოთეკაში არ შეუშვებენ.
შეგახსენებთ, ეროვნულ ბიბლიოთეკასთან შეკრებილი არიან ამნისტიით გათავისუფლებული ე.წ. პოლიტპატიმრები.
საქართველოს პრეზიდენტი, ყოველწლიური მოხსენებით პარლამენტში დღეს უნდა წარმდგარიყო, რაც საპალამენტო უმრავლესობის გადაწყვეტილებით გადაიდო.
აღნიშნულის შემდეგ, პრეზიდენტმა მიიღო გადაწყვეტილება, საზოგადოებას პარლამენტის ნაცვლად ეროვნული ბიბლიოთეკიდან მიმართოს.
ეროვნულ ბიბლიოთეკაში პრეზიდენტის სიტყვით გამოსვლა დღეს, 18:00 საათზეა დაგეგმილი.