საქალაქო სასამართლომ, თბილისის მერის, გიგი უგულავას დაკითხვაზე იძულებით მიყვანის თაობაზე, ძველი თბილისის რაიონული პროკურატურის შუამდგომლობა დააკმაყოფილა.
თბილისის საქალაქო სასამართლოს გადაწყვეტილებით, გიგი უგულავა 16 თებერვალს 15:00 საათზე დაიკითხება. უგულავას დაკითხვაზე მიყვანა შსს-ს ძველი თბილისის რაიონული განყოფილების თანამშრომლებმა უნდა უზრუნველყონ.
შეგახსენებთ, 8 თებერვალს ეროვნულ ბიბლიოთეკასთან განვითარებულ მოვლენებთან დაკავშირებით, გიგი უგულავა დასაკითხად ორჯერ დაიბარეს.
თბილისის მერი დაკითხვაზე არ გამოცხადდა და სამართალდამცავებს მოუწოდა, დასაკითხად თბილისის მერიაში მისულიყვნენ, რაზეც შსს-მ უარი განაცხადა.
.