შს მინისტრმა ირაკლი ღარიბაშვილმა, თბილისის მერის, გიგი უგულავასთვის ბრალის წაყენების შესახებ კომენტარი გააკეთა. მინისტრის თქმით, ეს ნორმალური პროცესია.
''ეს ნორმალურია, როდესაც გამოძიებას აქვს კითხვები ამა თუ იმ პირის მიმართ. გიგი უგულავა არის ჩვეულებრივი მოქალაქე. ის არის მაღალი თანამდებობის პირი და მის მიმართ გამოიკვეთა სერიოზული ორი ეპიზოდი. ამასთან დაკავშირებით მან უნდა გააკეთოს განმარტებები. ეს ნორმალური პროცესია", - განაცხადა ღარიბაშვილმა ჟურნალისტებთან საუბარისას.
შეგახსენებთ, როგორც გუშინ გახდა ცნობილი, ფინანსთა სამინისტროს საგამოძიებო სამსახური, ქალაქ თბილისის მერს, დღეს ბრალს წაუყენებს. ბრალდება შეეხება დიდი ოდენობით საბიუჯეტო თანხების მითვისებას, გაფლანგვასა და დიდი ოდენობის უკანონო შემოსავლების ლეგალიზაციის და ფულის გათეთრების ფაქტებს.