საქართველოს პრემიერმინისტრი, ბიძინა ივანიშვილი, დამოუკიდებელ ექსპერტთა კლუბის წევრებს ხვდება. შეხვედრაში დამოუკიდებელი ექსპერტების გარდა, მოწვეული ექსპერტებიც მონაწილეობენ.
როგორც ცნობილია, შეხვედრაზე ერთ-ერთი მთავარი თემა დაგეგმილი საკონსტიტუციო ცვლილებები იქნება, რომელიც პრეზიდენტის უფლებამოსილების შეზღუდვას გულისხმობს.
პრემიერმინისტრს შეხვედრის დაწყებამდე მედიისთვის კომენტარი არ გაუკეთებია.
შეხვედრა დახურულ კარს მიღმა მიმდინარეობს და დაახლოებით სამი საათის განმავლობაში გაგრძელდება.
